Այսօր: Ուրբաթ, 27 Մայիսի 2016թ.
Ագարակի համայնքապետարանի պաշտոնական կայք
ԱԳԱՐԱԿ ՔԱՂԱՔԱՅԻՆ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ
ՀԱՅՏԱՐԱՐՈՒԹՅՈՒՆՆԵՐ
ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅԱՆ ԿԱՐԳ
2016,Փետրվար 3 - 2018,Փետրվար 3


ՆՈՐՈՒԹՅՈՒՆՆԵՐ
27.05.16 Մ.Զաքարյանի շնորհավորական ուղերձը Ագարակի միջնակարգ դպրոցի շրջանավարտներին
Սիրելի՛ շրջանավարտներ, այսօր ձեզ համար դպրոցական զանգը կղողանջի վերջին անգամ: Այն բոլորիդ մոտ տարբեր հույզեր կարթնացնի. ոմանք կտխրեն, որ թողնում են հարազատ դպրոցը, ոմանք կուրախանան, որ նոր կյանք են մտնում, ամեն դեպքում,  առջևում ձեզ դեռ շատ  անակնկալներ են սպասվում, կյանքը միշտ չէ որ հեշտությամբ է տալիս այն, ինչին դու ձգտում ես , կամ այն, ինչին արժանի ես: Ես ցանկանում եմ , որ դուք այնքան հավատ ու կորով ունենաք, որ հաղթահարեք ձեր առջև ծառացած բոլոր խնդիրները, պատվով դուրս գաք ցանկացած փորձությունից, բարձր պահեք ձեր դպրոցի և քաղաքի պատիվը, կյանքի ինչ պարագայում էլ լինեք, եղեք նպատակասլաց,  հիշե՛ք , որ դուք  ագարակցի եք` սյունեցի, հիշե՛ք,  որ մենք երբևէ չենք հանձնվել ... Մանրամասն
18.05.16 Ագարակի պատանի ըմբշամարտիկները հայ զինվորի թիկունքն են
Ագարակ քաղաքի պատանի ըմբշամարտիկները, «Արևիկ» ազգային պարկի» և «Բուղաքար» արգելավայրի աշխատակիցները Ագարակում տեղակայված զորամասի հրամանատարության թույլտվությամբ հնարավորություն են ունեցել զինվորական մեքենայով բարձրանալու դիրքեր` տեսնելու և զգալու այն ամենը, ինչով երկու տարի շարունակ ապրում է զինվորը: Պատանի ըմբիշները դիրքեր էին բարձրացել ոչ դատարկաձեռն. նրանք իրենց հետ տարել էին մարտական հենակետերի ինժեներական բարելավման համար անհրաժեշտ պարագաներ: Բանակ-հասարակություն կապը ստեղծվում է նմանաբնույթ այցերի արդյունքում: Հայ զինվորը գիտակցում է , որ իր թիկունքում կանգնած է մի հասարակություն, ով պատրաստ է ցանկացած պահի աջակցել իրեն: Մեր պատանի ըմբիշներն էլ հասկացան, ... Մանրամասն
17.05.16 Արտյոմ Մանուկյանը երկրորդն էր

Ավարտվեց ՀՀ Սյունիքի մարզի տղամարդկանց շախմատի 18-րդ առաջնությունը: Ագարակի ներկայացուցիչ Արտյոմ Մանուկյանը մրցաշարում նվաճեց երկրորդ պատվավոր հորիզոնականը և նվաճեց մայիսի 25-ին Ջերմուկ քաղաքում կայանալիք միջազգային մրցաշարին մասնակցելու իրավունք: Արտյոմ Մանուկյանին մաղթում ենք նոր հաղթանակներ:

13.05.16 Փոքրիկ ագարակցիների մարզական հաջողությունները

Մայիսի 12-ին Մեղրի քաղաքի միջնակարգ դպրոցում, Ագարակ, Մեղրի և Լեհվազ համայնքների մանկապարտեզների սաների մասնակցությամբ, տեղի ունեցավ մրցույթ`Հայաստանի Հանրապետության նախագահի <<Լավագույն մարզական նախադպրոցական հիմնարկ>> մրցանակի համար:Մրցույթն անցավ լարված ու հետաքրքիր պայքարում: Երեք թիմերի փոքրիկներն էլ ապացուցեցին, որ սիրում են սպորտը և պատրաստ են պայքարելու հաղթանակի համար:Թիմերին խրախուսելու նպատակով ՀՀ սպորտի և երիտասարդության հարցերի նախարարությունը սահմանել էր դրամական մրցանակներ:Ագարակի մանկապարտեզը գրավեց երկրորդ տեղը` արժանանալով ութսուն հազար դրամ պարգևատրման: Գումարը կօգտագործվի մանկապարտեզի համար մարզագույք ձեռք բերելու նպատակով:

12.05.16 Ագարակի ըմբշամարտի թիմը վերադարձավ ՌԴ Վլադիկավկազ քաղաքից

Մայիս ամսվա առաջին տասնօրյակում Ագարակ համայնքի պատանի ըմբշամարտիկների թիմը` մարզիչ Յու. Ավետիսյանի գլխավորությամբ, մասնակցեց ՌԴ Վլադիկավկազ քաղաքում կազմակերպված ըմբշամարտի ուսումնամարզական հավաքներին:Մարզումների ընթացքում պատանի մարզիկները բազմաթիվ ընկերական հանդիպումներ անցկացրին ռուսաստանցի պատանի ըմբիշների հետ` ցուցաբերելով գերազանց մարզական պատրաստվածություն և կամային բարձր հատկություններ:

11.05.16 Տիկին Մարիետայի հրաշալի նվերը Ագարակ համայնքին

Մեր համաքաղաքացի Մարիետա Հակոբյանը Հայոց ցեղասպանության 101-րդ տարելիցի կապակցությամբ իր ձեռագործ աշխատանքը նվիրեց Ագարակ համայնքին:Ձեռագործ նկարը տիկին Մարիետայի եռամյա աշխատանքի արդյունքն է: Այն ամբողջովին տիկին Մարիետայի մտահղացումն է և կատարված է Հայոց Մեծ եղեռնի թեմաներով:Նկարը կպահպանվի և կներկայացվի Ագարակի արվեստի դպրոցում: Շնորհակալություն ենք հայտնում տիկին Մարիետային գեղեցիկ նվերի կապակցությամբ և մաղթում բեղմնավոր աշխատանք:

10.05.16 Մայիս` հաղթանակների ամիս

Հարգելի համաքաղաքացիներ, շնորհավորում ենք բոլորիդ Հայրենական մեծ պատերազմում տարած հաղթանակի տարեդարձի, Շուշիի ազատագրման տարելիցի և Արցախի պաշտպանական բանակի ստեղծման օրվա կապակցությամբ: Մաղթում ենք ամուր առողջություն, խաղաղ երկինք , անսասան կամք և ամուր հավատ Հայաստանի և հայ ժողովրդի լուսապայծառ ապագայի նկատմամբ:

10.05.16 Ոչ ոք չի մոռացվել

Ցավոք սրտի, Հայրենական մեծ պատերազմի վետերանների շարքերն օր օրի նոսրանում են: Հիմա Ագարակում նրանք երեքն են` Ադամյան Անուշավանը, Մովսիսյան Միլիտոսն ու Պողոսյան Գրիգորը: Երախտապարտ սերունդների հիշողության մեջ դեռ երկար կմնան նրանց սխրանքների պատմությունները: Ագարակի քաղաքապետարանը,ինչպես և ամեն տարի, հնարավորինս աջակցում և իր երախտագիտություն է հայտնում մեր վետերաններին`մաղթելով ամուր առողջություն , բարօրություն և խաղաղություն:

06.05.16 Ագարակի մանկապարտեզի սաները հավատարիմ են իրենց պապերի ու հայրերի սուրբ գործին

Այսօր Ագարակի մանկապարտեզի սաները տոնական բարձր տրամադրությամբ, զինվորական համազգեստներով ու գարնանային ծաղկեփնջերով այցելեցին Հայրենական մեծ պատերազմի և Արցախյան ազատամարտի հերոսների հուշարձանին:Երեխաների ոգևորությունից փայլող աչիկները վկայում էին , որ մեծանում է հայրենիքի պաշտպանների և մեր երկրի լուսապայծառ ապագայի երաշխավոր նոր ու փայլուն մի սերունդ:

24.04.16 Հիշում եմ և պահանջում

Այսօր,ինչպես Հայաստանի Հանրապետության բոլոր քաղաքներում, Ագարակում ևս նշվեց Հայոց մեծ եղեռնի նահատակների հիշատակի օրը: Ագարակի քաղաքապետ Մխիթար Զաքարյանի գլխավորությամբ Ագարակի հրապարակից երթն ուղղվեց դեպի Հայոց ցեղասպանության զոհերի հիշատակը հավերժացնող հուշաքար, որտեղ երթի մասնակիցները ծաղիկներ խոնարհեցին Ցեղասպաննության նահատակների հուշարձանին՝ ողջ աշխարհին իրազեկելով հայ ժողովրդի պահանջատիրության և հայ դատը իր հաղթական ավարտին հասցնելու վճռականության մասին:

18.04.16 Յոթ խաղ` յոթ բանալի

Ապրիլի 15-ին Ագարակի մակապարտեզի միջին խմբում /դաստիարակ` Լուսինե Զաքարյան/ <<Յոթ խաղ` յոթ բանալի>> խորագրով ինտերակտիվ խաղ-մրցույթ էր կազմակերպվել: Մրցույթի մասնակիցներն այս անգամ մայրիկներն էին: Մինչ նրանք կատարում էին մրցույթի առաջադրանքները, երեխաները պարում էին, երգում և մայրիկներին նվիրված բանաստեղծություններ արտասանում: Բոլոր մայրիկներն էլ ասես մանկացել և երեխաներից ոչ պակաս ոգևորությամբ էին կատարում առաջադրված հանձնարարությունները: Միջոցառումը մեծ բավականություն պատճառեց թե’ մանուկներին և թե’ մեծերին:

18.04.16 Հայրենիքի ապագան ամուր ձեռքերում է

Ապրիլի 10-ից 12-ը Գառնիում կայացած ՀՀ բազմակի չեմպիոն Գեղամ Ենոքյանի հիշատակին նվիրված ազատ ոճի ըմբշամարտի դեռահասների գավաթի միջազգային մրցաշարին մասնակցեցին նաև Ագարակի պատանի ըմբշամարտիկները: Մեր ըմբիշները ցույց տվեցին , որ իրենք մարտական ոգի ու ամուր կամք ունեցող պատանիներ են և հայրենիքի սահմանները քաջաբար պաշտպանող մեր զինվորներին արժանի փոխարինողներ:38 կգ քաշային կարգում 2-րդ տեղ նվաճեց Հարություն Մովսիսյանը, իսկ 26 կգ քաշային կարգում 3-րդ տեղը պատանի ըմբիշ Սուրեն Խաչատրյանինն էր: Շնորհավորում ենք մեր ըմբիշներին այս հաղթանակների կապակցությամբ և մաղթում նորանոր հաջողություններ:

13.04.16 Կյանքից հեռացավ Ագարակ քաղաքի պատվավոր քաղաքացին
Ապրիլի 12-ին` կյանքի 83-րդ տարում վախճանվել է ՀԽՍՀ վաստակավոր երկրաբան, Հայաստանի Հանրապետության ճարտարագիտական ակադեմիայի իսկական անդամ, հասարակական-պետական գործիչ, Ագարակ քաղաքի պատվավոր քաղաքացի Սաբիր Նիկոլայի Ստեփանյանը: Սաբիր Ստեփանյանը 1967 -1971 թվականներին եղել է Ագարակի պղնձա-մոլիբդենային կոմբինատի տնօրեն, և անգնահատելի է նրա` տաղանդավոր , հմուտ ղեկավարի, գիտնականի, հասարակական-պետական գործչի, մեծ հայրենասերի և մեծ մարդու ներդրումը Հայաստանի տնտեսության` մասնավորապես Ագարակ քաղաքի զարգացման գործում: Ցավակցում ենք Սաբիր Ստեփանյանի ընտանիքին այս անդառնալի կորստյան կապակցությամբ և հավաստիացնում, որ մեր համաքաղաքացիներից շատերի հիշողության մեջ Սաբիր Ստեփանյանը միշտ կմնա որպես շիտակ, ... Մանրամասն
07.04.16 Աշխարհի բոլոր ծաղիկները` հայոց սուրբ մայրերին

Սիրելի′ մայրեր և քույրեր, շնորհավորում ենք բոլորիդ գարնանային այս գեղեցիկ ու պայծառ տոնի կապակցությամբ, ցանկանում ենք բազում ժպիտներ, անսահման ջերմություն ու սեր: Թո′ղ ձեր աչքերը միայն լցվեն բերկրանքի արցունքներով, թո′ղ ոչինչ չխռովի ձեր մաքուր սրտերը, թո′ղ տևական խաղաղություն հաստատվի մեր հայրենիքում և բոլորիդ հոգիներում:

05.04.16 Մենք Արցախի հետ ենք
Երեկվանից սկսվել է Ագարակ քաղաքի բնակիչների և տարբեր կազմակերպությունների ինքնաբուխ սկսված օգնության հավաքումը Լեռնային Ղարաբաղի Հանրապետության սահմանը պաշտպանող հայ մարտիկների համար: Օգնության հավաքակետ են բերվում մեծաթիվ քանակությամբ առաջին անհրաժեշտության պարագաներ , սննդամթերք և հագուստ :Օգնությանը մասնակցում են նաև Մեղրի քաղաքն ու տարածաշրջանի բոլոր գյուղերը:Այսօր մեր տարածաշրջանի ոչ մի քաղաքացի չի կարող անտարբեր լինել մեր հայրենիքին սպառնացող այս հակամարտության նկատմամաբ: Սա այն ամենաչնչին` առավելապես բարոյական օգնությունն է,  որ մենք ուզում ենք ցուցաբերել մեր հերոս զինվորներին,  քանի որ լավ գիտենք , որ Արցախի բանակն այսօր ապահովված է անհրաժեշտ ամեն ինչով և շուտով ողջ ազգով նոր ... Մանրամասն
04.04.16 Ագարակն Արցախի և հայ զինվորի կողքին է

 Հայրենիքի քա’ջ պաշտպաններ, մեր սիրելի’ տղաներ, կորովասի’րտ արցախցիներ , դուք այսօր մարտական դիրքերում մեր հայրենիքն եք պաշտպանում, Ագարակը ձեր կողքին է , պատրաստ օգնության ցանկացած հարցում:Բոլորս հավատում ենք ձեր անվերապահ հաղթանակին, ոսոխը հերթական անգամ կպատժվի հայ զինվորի բազկի անպարտժելի ուժից, մեր սրտերը ձեզ հետ են, Աստված պահապան թո’ղ լինի բոլորիդ: 

23.03.16 Կայացավ Սյունիքի մարզխորհրդի 2016 թվականի առաջին նիստը
  Մարտի 22-ին ՀՀ Սյունիքի մարզպետարանի նիստերի դահլիճում տեղի ունեցավ ՀՀ Սյունիքի մարզխորհրդի այս տարվա առաջին նիստը, որը վարում էր ՀՀ Սյունիքի մարզպետ Սուրիկ Խաչատրյանը:Նիստին մասնակցում էին մարզպետարանի աշխատակազմի կառուցվածքային ստորաբաժանումների պատասխանատուները, մարզի քաղաքային և գյուղական համայնքների ղեկավարները: Նիստի ընթացքում օրակարգային հարցերից զատ՝ հաշվետվություններով հանդես եկան նաև Կապան, Գորիս, Ագարակ քաղաքային և Գորայք գյուղական համայնքների ղեկավարները:   Ագարակի քաղաքապետ Մ. Զաքարյանը ներկայացրեց Ագարակ քաղաքային համայնքում 2015 թվականին կատարված աշխատանքները, այս տարվա անելիքներն ու համայնքի համար կարևորագույն մոտակա ծրագրերը: Նա  նաև կարևորեց համայնքների ... Մանրամասն
11.03.16 Եռյակին` եռակի նվեր
 2015 թվականի նոյեմբերի 19-ին երկարատև սպասումից հետո Ագարակ համայնքի բնակիչներ Ռուզաննան և Գևորգը միանգամից դարձան երեք զավակների ծնողներ:Եռյակի ծնունդը մեծ իրադարձություն էր ոչ միայն նրանց ու նրանց հարազատների, այլ նաև ողջ Ագարակ քաղաքի համար: Ագարակ քաղաքում առաջին եռյակը ծնվել էր 1958 թվականին, և այժմ` Ռիտա, Ռոնա և Ռուզաննա քույրերն արդեն 58 տարեկան են: Երեկ Ագարակի քաղաքապետ Մխիթար Զաքարյանն ու փոխքաղաքապետ Արմեն Սամվելյանը հյուրընկալվեցին Սարգսյանների ու Դավթյանների` արդեն բազմանդամ դարձած ընտանիքում: Երեք փոքրիկները` Անդրեյը, Սիմոնան և Անահիտը, իրենց հրաշալի էին զգում:Թեև ընտանիքի հոգսերը բազմապատկվել էին, բայց բոլորը երջանիկ էին ու ոգևորված:Ագարակի քաղաքապետարանի, <<Մեղրի-Ագարակ>> ... Մանրամասն
07.03.16 Շնորհավո′ր Մարտի 8

 Սիրելի′ կանայք և աղջիկներ, ջերմորեն շնորհավորում ենք ձեզ Մարտի 8-ի՝ Կանանց միջազգային օրվա առթիվ:Մաղթում ենք գարնանային տրամադրություն, անսահման սեր, ամուր առողջություն, ջերմ ժպիտներ և անձնական երջանկություն: Թո′ղ իրականություն դառնան ձեր երազանքները,  թո′ղ հաջողությունը լինի ձեր կյանքի մշտական ուղեկիցը:

24.02.16 Համայքների խոշորացումը կենսական անհրաժեշտություն է
  Այսօր Ագարակի արվեստի դպրոցի դահլիճում տեղի ունեցավ Ագարակ քաղաքային համայնքի ակտիվի հանդիպումը <<Համայնքների ֆինանսիստների միություն>> ՀԿ նախագահ Վ. Մովսիսյանի, ՏԿԱԻ տեղական ինքնակառավարման վարչության պետ Ա. Գիլոյանի, ՀՀ Սյունիքի մարզպետարանի ՏԻ և ՀԳՄՀ վարչության պետ Ս. Ավետիսյանի հետ: Վ. Մովսիսյանը մանրամասն ներկայացրեց համայքների խոշորացման կարևորությունն ու  նշանակությունը Մեղրիի տարածաշրջանի համար` նշելով, որ Հայաստանի համայնքների միության հայեցակարգի շրջանակներում պիլոտային ծրագրերից մեկն էլ Մեղրին է: Համայնքների խոշորացման ծրագիրն այլընտրանք չունի, այն հնարավորություն կտա առավելագույնս խնայելու ֆինանսական միջոցներն ու նպաստելու տարածաշրջանի տնտեսության ... Մանրամասն
1 2 3 4 5 6 7 8


ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ԳԱՐԵԳԻՆ ՆԺԴԵՀ 5

(0286) 2-23-50

agarak.syuniq@mta.gov.am

Պաշտոնական էլ. փոստ` 10022058@e-citizen.am
(միայն www.e-citizen.am համակարգով ծանուցումների համար)



© 2008 - 2016 Հեղինակային իրավունքները պաշտպանված են
ԱԳԱՐԱԿԻ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.01
ԲԿԳ Մրցանակ 2015 - OGP Award 2015
2015 Regional Winner